Zergatik dira hortensia batzuk larrosak eta beste batzuk urdinak?

-

Lorategi ederrenetan ez dira inoiz falta hortensia batzuk. Baina horiek batzuetan udinak izaten dira, besteetan moreak, eta beste batzuetan larrosak. Zeren arabera daukate kolore bat edo beste? Agian landare-espezie desberdinak dira? Horrela erosten dituzte?

Ba... ez! Espezie berdina dira: Hydrangea macrophylla. Baina zer lurzorutan landatzen denaren arabera, kolore bat edo beste hartzen dute. Hau da, nahiz eta kolore jakin bat duen hortensia bat erosi, lurzoru desberdin batean landatzen bada, agian kolorea alda dezake. Zehazki, lurzoruaren pHaren arabera aldatzen da euren kolorea. Lurzoruaren pHak lurzoru horrek dituen protoi edo hidrogeno katioien [H+] kontzentrazioa adierazten du. Lurzoruko pHa 7 bada, neutroa dela esaten da. 7 baino baxuagoa bada, aldiz, azidoa, eta 7 baino altuagoa bada basikoa edo alkalinoa. Lurzoruko pH horren arabera, mantenugai desberdinak egongo dira eskuragarri lurzoruan, landareak xurga ditzan.

Antozianinak landareetan ugariak diren pigmentu batzuk dira. Antozianinek hainbat kolore adierazi ditzakete landareetan, hala nola, larrosa, urdina eta morea. Hainbat ikerketek azaltzen dutenez, lurzoruko pHa azidoa denean, antozianinek kolore urdina adierazten dute landareetan. Izan ere, aurretik esan bezala, pH batean edo bestean lurzoruan eskuragarri dauden mantenugai edo mineralak desberdinak izango dira. pH baxuetan edo azidoetan, aluminioa bezalako metalak daude eskuragarri, eta landareak horiek xurgatzen ditu. Antozianinek aluminioarekin erreakzionatzean, hortensiak kolore urdintsua hartzen du. Lurzoruko pH altuetan edo basikoetan, aldiz, landareak ezin du ia aluminiorik xurgatu, eta antozianinek aluminioarekin erreakzionatu ezean, kolore larroxka adierazten dute, eta hortensiak kolore larrosa hori hartzen du. Hala ere, lurzorua ez bada ez azidoa ez basikoa (hau da, neutroa bada), hortensiak kolore morea izango du (urdin eta more koloreen bitarteko kolorea, hain zuzen ere).

Laburbilduz, lurzoruko pHa geroz eta baxuagoa/azidoagoa izan, hortensiak kolore geroz eta urdinagoa izango du; eta geroz eta altuagoa/basikoagoa izan, geroz eta kolore larrosagoa.

Argazkia: hortensien kolore aldaketa lurzoruko pHaren arabera (Heisdorffer, 2012).



BIBLIOGRAFIA:
  • Ergür, E. G., Kazaz, S., Kılıç, T., Doğan, E. & Aslansoy, B. (2019). How to manipulate hydrangea flower colour (Hydrangea macrophylla Thunb.)? Acta Hortic. DOI 10.17660/ActaHortic.2019.1263.16
  • Heisdorffer, A. M. (2012). Hydrangeas with a Past and a Future. Kentucky: Daviess County Extension Agent.
  • Rifqui, M., Safril, M., Dwi, L. & Eka, A. (2015). Effect of soil pH on the anthocyanin level of hortensia (Hydrangea macrophylla). KnE Life Sciences, 2: 613-616.


Iruzkinak

Argitaratu iruzkina

Blog honetako argitalpen ezagunak

Zer da EUTROFIZAZIOA?

-
Irudia
(Argazkia: iAgua) Eutrofizazio hitza eutros hitz grekotik dator, "ondo hornitua" esanahia duena. Eutrofizazioa gertatzen da ekosistema urtar batera (laku edo putzuetara batez ere) mantenugai inorganiko gehiegi heltzen direnean gizakiaren esku hartzearen ondorioz: batez ere N ( nitrogenoa ), S ( sufrea ) eta P ( fosforoa ). Gehiegizko mantenugai horiek algen proliferazioa eragiten dute. Alga horiek lakuaren gainazala estaltzen dute (geruza berde bat sortuz), eta azpiko geruzetara argia iristea oztopatzen dute, uraren uhertasuna handituz. Horren ondorioz, beheko geruzetan dauden alga edo landareek ezin dute fotosintesia egin, eta hil egiten dira (ezin dute oxigenoa ekoiztu). Gauzak horrela, bestelako mikroorganismoek (bakterioek adibidez) beheko geruza horietan dagoen oxigeno gutxia kontsumituko dute, oxigeno guztiarekin amaituz . Laku horretan bizi diren arrain eta moluskoek ere oxigenoa behar dutenez bizitzeko, horiek ere hil egingo dira. Laburbilduz, gizakiaren ondorioz ong...
Irakurri informazio gehiago

Odol-emailea izan nahi al duzu?

-
Irudia
Odola eman edo jaso behar baduzu, lehendabizi odol-taldeen dinamika ezagutu behar duzu. Izan ere, pertsona orok ezin diogu edozein pertsonari odola eskaini, bere gorputzak baztertu egin ahal duelako. Hortaz, emailearen eta hartzailearen arteko bateragarritasuna bilatzea beharrezkoa da. Hori ulertzeko, AB0 eta Rh sistemak ulertzea ezinbestekoa da.  AB0 sistema : Pertsona batek odol-talde bat edo beste edukiko du, bere odoleko globulu gorriek mintzean duten antigeno izeneko substantzien arabera. Horren arabera, 4 odol-talde mota sortzen dira: A, B, AB eta 0.  AB0 sisteman, bi antigeno mota daude: A antigenoa eta B antigenoa. A odol-taldeak A antigenoa dauka globulu gorrien mintzean, B odol-taldeak B antigenoa, AB taldeak A eta B antigenoak (biak batera), eta 0 taldeak, aldiz, ez dauka antigenorik (ez A ez B). Odol-talde bakoitzeko globulu gorriak Bestalde, pertsona baten odolean, beste antigenoaren kontrako antigorputzak daude. Antigorputzak gure gorputzak ekoizten dituen "defen...
Irakurri informazio gehiago

Naturalak al dira UHOLDEAK?

-
Irudia
Geroz eta larriagoak eta errepikakorragoak diren uholdeak geroz eta arazo gehiago ari dira sortzen gure herrietan. Baina arazoa uholdeak dira, ala gizakia?  Galdera horri erantzuteko pare bat kontutxo jakin behar dituzu. Hasteko, ba al dakizu zer den uholde-lautada ?  Uholde-lautada ibaien inguruan bi aldetara zabaltzen den lur-eremua da, urak gora egiten duenean busti egiten dena. Naturak dena dauka kontrolpean, nahiz eta batzuetan guk kontrol hori apurtu. Neguan euri-jasa handiak egiten dituenean, ibaien alboetako lurrak (hots, uhalde-lautada) ur azpian geratzen dira era natural batean. Naturala da, beraz, euri asko egitean uholdeak gertatzea: ibaiek alboko lurrak dituzte ur hori hartzeko. Ondorioz, logikoa da uholde-lautada horretan eraikiz gero, euriteen ostean eraikin horiek ur azpian geratuko direla. Ibaia eta aldameneko uholde-lautada. Argazkia: Paweł (Pexels) Esan bezala, gizakiak uholde-lautada horiek ustiatu egin dituela historian zehar. Antzinean nekazaritzako lurra...
Irakurri informazio gehiago